Ўзбекистон 104 25.04.2019 15:22:14

Шавкат Мирзиёев Пекинда яна бир давлат раҳбари билан учрашди

Шавкат Мирзиёев Пекинда яна бир давлат раҳбари билан учрашди

Ўзбекистон Президенти Шавкат Мирзиёев бугун Пекин шаҳрида Тожикистон Президенти Имомали Раҳмон билан учрашди. Бу ҳақда Президент Матбуот хизмати хабар бермоқда.

Президентлар кейинги йилларда сифат жиҳатидан янги даражага кўтарилган кўп қиррали Ўзбекистон-Тожикистон ҳамкорлиги ривожланиб бораётганини катта мамнуният билан қайд этди.

“Савдо-иқтисодий, транспорт-коммуникация ва маданий-гуманитар соҳалардаги ҳамкорликнинг аниқ масалалари муҳокама қилинди. Ўзаро савдо ҳажмини янада ошириш масалаларига алоҳида эътибор қаратилди. Олий даражадаги ташрифлар давомида эришилган келишувлар ижроси ҳам кўриб чиқилди”, - дейилади хабарда.

Ўтган йил Ўзбекистон ва Тожикистон муносабатлари ривожида тарихий йил бўлгани, ўзаро давлат ташрифлари натижасида у стратегик шериклик даражасига кўтарилгани алоҳида қайд этилди.

Бу борадаги ишлар натижасида икки томонлама товар айирбошлаш ҳажми сезиларли ошиб, ҳудудлараро ва гуманитар алоқалар мустаҳкамланиб бораётгани таъкидланди.

Шавкат Мирзиёев ва Эмомали Раҳмон мамлакатларимиз ўртасида дўстлик ва яхши қўшничилик, стратегик шериклик муносабатларини янада мустаҳкамлаш борасида интилишлари қатъий эканини таъкидлашди.


Пекин Шавкат Мирзиёев Имомали Раҳмон

Мавзуга оид