Ўзбекистон 240 16.04.2019 12:33:47

Ер эгаси қўшни ер эгасининг еридан фойдаланишни талаб қилиши мумкинми?

Ер эгаси қўшни ер эгасининг еридан фойдаланишни талаб қилиши мумкинми?

Қонунчиликка мувофиқ ер эгаси қўшни ер эгасининг еридан фойдаланишни талаб қилиши мумкин (сервитут ҳуқуқи). Бу ҳақда “Ҳуқуқий ахборот” канали хабар бермоқда.

Сервитут қуйидаги мақсадлар учун белгиланади:

- ердан пиёда ва транспортда ўтиш;

- электр, алоқа, қувур линияларини ўтказиш;

- сув билан таъминлаш ва бошқа шу каби ҳолатлар.

Ерга сервитут белгиланиши ер эгасининг ушбу участкага эгалик қилиш, ундан фойдаланиш ва уни тасарруф этиш ҳуқуқларидан маҳрум этмайди.

Сервитут уни талаб қилган шахс ва ер эгаси ўртасидаги битимга асосан белгиланади.

Агар икки тараф келиша олмаса, ушбу масала фуқаролик судида кўриб чиқилади. Сервитут ҳақидаги битимлар кадастр органларида рўйхатдан ўтиши шарт. Рўйхатдан ўтказиш 1 кунда бепул амалга оширилади.


сервитут ҳуқуқи

Мавзуга оид