Ўзбекистон 737 13.04.2019 18:09:00

Сурхондарёда давлат бюджети талон-торож этилди

Сурхондарёда давлат бюджети талон-торож этилди

Департаментнинг Сурхондарё вилоят бошқармаси томонидан ўтказилган терговга қадар текширувда, Термиз тумани архитектура ва қурилиш касб-ҳунар коллежи бош ҳисобчиси Ш.Х. коллежнинг 5 нафар собиқ ишчи-ходимларининг номига 2017-2018 йиллар ва 2019 йил 2 ойи давомида жами 221,8 млн. сўм иш ҳақи ёзилган. Уларнинг номидаги пластик карточкаларга ойма-ой тушириб олиб, ўз эҳтиёжлари учун ишлатиб, бюджет маблағларини талон-торож қилганлиги аниқланган. Бу ҳақда Бош прокуратура Матбуот хизмати хабар бермоқда.

Текширув давомида бюджетга етказилган зарардан 100,3 млн. сўм  ундирилиши таъминланган.

“Мазкур ҳолатлар юзасидан Ш.Х.га нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда”, дейилади хабарда.


Сурхондарё бюджет

Мавзуга оид