Ўзбекистон 77 12.07.2019 17:55:38

Янги таҳрирдаги Қонунда меҳнат муносабатларининг замонавий шакллари акс этади

Янги таҳрирдаги Қонунда меҳнат муносабатларининг замонавий шакллари акс этади

2019 йил 11 июль куни Олий Мажлис Қонунчилик палатасининг Меҳнат ва ижтимоиймасалалар қўмитаси томонидан «Аҳолини иш билан таъминлаш – давлат сиёсатининг асосийустувор йўналиши, бу борадаги қонунчиликни такомиллаштириш масалалари» мавзусидадавра суҳбати ўтказилди, деб Norma.uz сайти хабар берди.

Меҳнат бозоридаги вазиятни яхшилаш, инвестиция фаоллигини ошириш ва ижтимоий ривожлантириш мақсадларига эришиш учун Бандлик ва меҳнат муносабатлари вазирлиги томонидан «Аҳолини иш билан таъминлаш тўғрисида»ги Қонуннинг янги таҳрирдаги лойиҳаси ишлаб чиқилди.

Ушбу йўналишда мавжуд камчиликлар меҳнат соҳасидаги ижтимоий муносабатлар турлича талқин қилинишига ва ҳуқуқий коллизиялар, мураккаб вазиятлар юзага келишига сабаб бўлмоқда. Амалдаги қонунда умумий тусга эга нормалар кўплиги, уларни амалга оширишнинг муайян механизмисиз татбиқ этилаётгани бандлик сиёсатига салбий таъсир кўрсатаётгани, ижтимоий муносабатларни асосан қонуности ҳужжатлари билан тартибга солиб келинаётгани таъкидлаб ўтилди.

Бугунги кунда «аҳолини иш билан таъминлашга кўмаклашувчи мувофиқлаштириш қўмиталарини тузиш» (20-модда), амалиётда қўллаш имкони бўлмаган ишсизлик нафақаси тўлашни бекор қилиш, тўхтатиб қўйиш ва унинг миқдорини камайтириш тизими (34-модда) самарасиз бўлиб қолмоқда.

Давра суҳбатида аҳолини иш билан таъминлаш борасида қонун ҳужжатларини янада такомиллаштириш, меҳнат муносабатларининг янги шаклларини, жумладан, кичик бизнес ва хусусий тадбиркорликни жадал ривожлантириш билан боғлиқ шаклларини жорий этиш тобора долзарблик касб этаётгани таъкидланди. Янги таҳрирдаги қонун лойиҳасида бандлик соҳасига хусусий секторни жалб этиш тартиб-таомилларини ишлаб чиқиш, бандликнинг янги – вақтинчалик ишлар, хусусий ва жисмоний шахсларда ёлланиб ишлаш, масофадан туриб ишлаш шаклларидан фойдаланишда юзага келадиган меҳнат муносабатлари хусусиятларини белгилашни назарда тутиш кераклиги қайд этилди.

Қонуннинг янги таҳрирда қабул қилиниши меҳнат бозоридаги вазиятни тубдан яхшилаш, мамлакатни ижтимоий ривожлантириш, банд бўлмаган аҳолини бандлигини таъминлаш, оилалар фаровонлигини оширишга хизмат қилади, деб ёзади манба.


Меҳнат муносабатлари Қонун

Мавзуга оид