Ўзбекистон 208 12.04.2019 07:58:20

Қозоғистон президенти Қасим-Жомарт Тоқаев 14 апрель куни давлат ташрифи билан Ўзбекистонга келади

Қозоғистон президенти Қасим-Жомарт Тоқаев 14 апрель куни давлат ташрифи билан Ўзбекистонга келади

Ўзбекистон Президенти Шавкат Мирзиёевнинг таклифига биноан Қозоғистон Президенти Қасим-Жомарт Тоқаев 14 апрель куни икки кунлик давлат ташрифи билан мамлакатимизга келади. Бу ҳақда Ўзбекистон Президенти матбуот хизмати хабар берди.

Мазкур давлат ташрифи Қасим-Жомарт Тоқаевнинг Қозоғистон Президенти лавозимига киришганидан буён дастлабкисидир

Тор ва кенгайтирилган таркибда ўтказилиши режалаштирилган музокараларда икки томонлама дўстлик, яхши қўшничилик ва стратегик шериклик муносабатларини янада кенгайтириш истиқболлари муҳокама қилинади, сиёсат, савдо-иқтисодиёт, инвестициялар, транспорт-коммуникация, маданий-гуманитар ва бошқа соҳалардаги ўзаро ҳамкорликнинг устувор йўналишлари кўриб чиқилади.

Президентлар минтақавий ҳамкорликни мустаҳкамлаш ҳамда халқаро аҳамиятга молик муҳим масалалар юзасидан фикр алмашишади.

Давлат раҳбарларининг Қўшма баёнотини қабул қилиш, шунингдек, мамлакатларимиз ўртасидаги кўп қиррали муносабатларни ривожлантиришга қаратилган икки томонлама ҳужжатлар тўпламини имзолаш кўзда тутилган.

Президентлар қўшни қардош мамлакатда муваффақиятли якунига етган Ўзбекистон йилининг мантиқий давоми бўладиган Ўзбекистонда Қозоғистон йилининг расмий очилиш маросимида ҳам иштирок этадилар. Мазкур йил тадбирлари Қозоғистон санъат усталарининг концерти билан бошланади.


Ўзбекистон-Қозоғистон