Ўзбекистон 376 15.05.2019 15:26:02

Бош прокуратура уйини АҚШ долларига сотган фуқаро ушлангани ҳақидаги хабарни рад этди

Бош прокуратура уйини АҚШ долларига сотган фуқаро ушлангани ҳақидаги хабарни рад этди

Ўзбекистон Республикаси Бош прокуратураси Ахборот хизмати уйини АҚШ долларига сотган фуқаро ушлангани ҳақидаги тарқалган хабарни рад этди.

"Бош прокуратура ҳузуридаги Департаменти томонидан бошқа ҳуқуқни муҳофаза қилувчи органлар билан ҳамкорликда ўтказилган тадбирда гўёки 2 хонали уйни 25 минг АҚШ доллари эвазига сотаётган вақтда фуқаролар Р.Т. ҳамда Н.Л.ларнинг ушлангани тўғрисида ОАВларда берилган хабарлар юзасидан расман маълум қиламизки, Бош прокуратура ҳузуридаги Департамент ходимлари томонидан бундай тадбир ўтказилмаган ва ўз-ўзидан фуқаролар Р.Т. ҳамда Н.Л.ларга нисбатан Ўзбекистон Республикаси Жиноят кодексининг 177 ва 189-моддалари бўйича жиноят иши қўзғатилмаган.

Шунга кўра, жамоатчилик орасида турли нотўғри талқин ва тахминлар тарқалишининг олдини олиш мақсадида, оммавий ахборот воситаларидан прокуратура органлари ходимлари томонидан ўтказилган тезкор ёки тергов тадбирларини ёритишда фақат Бош прокуратура матбуот хизмати томонидан тақдим этилган расмий маълумотларга таяниш ва ҳавола келтиришни қатъий сўраб қоламиз", дейилади ахборотда.


Мавзуга оид